Coster the Jesuit defends kneeling prayer before Christ’s image, adorning images, candles, and carrying statues in processions
Jesuit Coster publicly defends kneeling prayer before Christ’s image, rich adornment, saint-candles, and statue processions as commendable Church custom.
Latin
XVIII. Ista enim passim in tota Ecclesia Romana fiunt, nec diserte & publice improbantur ab ullis, qui in Ecclesia illa authoritate, doctrina & dignitate eminent, ac pro Orthodoxis habentur, sed contra a multis publice probantur, atque defenduntur. Ut, exempli gratia, a Costerio Jesuita in Enchiridio Controversiarum capite de usu & veneratione imaginum. Proinde, inquit, reprehendendi non sunt Christiani qui Christum in sua imagine flexis genibus, apertis capitibus, junctis manibus adorant & precantur, ab eoque misericordiam, auxilium & opem implorant. Neque illi qui imagines vestibus, monilibus, & id genus aliis ornare solent. Nec reprehensione digna, sed commendanda est Christianorum consuetudo, qua cereos, in honorem sanctorum, coram imaginibus accendunt. Denique Ecclesiae consuetudo circumferendi statuas & imagines in supplicationibus antiquo usu comprobata est, & merito commendanda.