What is from itself needs nothing — but planets need the sun
Click or tap any sentence to jump there. The side buttons skip a paragraph.
What is from itself is self-sufficient.
Earth and planets need the sun's light and heat — they cannot stand alone.
Need of another means dependence — and conservation implies an efficient cause.
Latin
XVIII. Deinde quod est a se, est sibi ipsi sufficiens, nec ullo alio indiget. Sed corpora illa, quibus hoc universum constat, veluti terra, planetae, res hujusmodi non sunt: sed aliena ope egent, nec possunt alio carere. Minor manifesta est. Nam terra & planetae lumine solis egent. Neque globus elementaris absque sole subsistere posset: Sed omnino opus habet luce & calore illius foveri, ut in suo statu & esse permaneat. Et sic quoque proculdubio reliquae universi partes solae per se esse non possent: multisque modis ab aliis juvantur atque sustentantur. Nec vero minus evidens est, quod est a se sibi sufficere, & alio non indigere: Nam quod alio indiget, & sibi ipsi non sufficit, non potest absque alio conservari. At quod non potest absque alio conservari, ab alio pendet ut sit. Quod autem ut sit ab alio pendet, certe illud non est a se. Adde quod ens a se nullam omnino causam habet: Nam a seipso esse, est causam non habere, sed quod non potest absque alio conservari causam aliquam habet, scilicet conservantem. Ac praeterea quicquid causam conservantem habet, efficientem quoque habet. Nam conservatio est quaedam efficientiae continuatio.