Click or tap any sentence to jump there. The side buttons skip a paragraph.
Motion is not eternal — so matter-motion had a start.
Matter cannot give itself that first stir.
Who wound torpid matter into a world-system?The highest mind — God.
Latin
XL. Praecipue vero, cum demonstraverimus motum & tempus ab aeterno esse non posse, quicquid sit de materia ipsa, necesse est, ut motus ille partium materiae, unde exorta statuitur universa rerum dispositio, aliquod sui initium habeat: ac proinde materia non potest motum illum a se habere; sed motus iste necessario est a principio extrinseco. Nam illo non concesso materiam aeternam esse, & a se existere, cujus contrarium ante probatum est, attamen post aeternam quietem moveri non potuit, nisi motor aliquis externus motum illum ipsi impresserit. Ecquis vero est ille motor, qui torpentem materiam primo commovere & agitare coepit, & motum ejus tam apte dimensus est, ut inde mundi systema oriretur? Hic certe necessario ad summam quandam mentem, id est, ad Deum recurrendum erit.