Ames and Pierre du Moulin the son: full certainty is supreme degree, not essential form
Ames: particular intellectual assurance of grace already possessed can be falsely absent for a time while true faith lies latent.
Not all justified are at once certain of justification (Bell. Enerv. VI).
Pierre du Moulin the son (Canterbury): full fiducia that ‘my sins are remitted’ = supreme degree, not essential form.
Essential form: embrace Christ’s merits; appropriate them; seek salvation nowhere else — Belgic Confession art. 22.
Latin
XXXIV. Similiter Amesius, Perkinsii vestigiis insistens, & respiciens ad assensum specialem, quo aliquis apprehendit gratiae jam factae possessionem actualem, dicit Particularem istam certiorationem intellectus interdum falsam deesse, ad tempus, qui tamen veram fidem in cordibus suis habent interim latentem, & ita docere experientiam. In Medulla Theologiae, cap. 3. num. ultimo; & in Bell. enervato concedit non omnes justificatos mox esse certos de sua justificatione, lib. 6. de Justit. cap. 1. n. 11. Sed praesertim in hanc sententiam clare & aperte concedit Petrus Molinaeus, Petri Molinaei filius, Theologiae Doctor, & praebendarius Cantuariensis, piis animabus notus libro perutili de Pace animae, aliisque piis operibus Gallice ab ipso editis. De quo tamen contemptim loquitur, & quem cum Ludovico Molinaeo ipsius fratre imprudenter confundit scriptor ille qui Reformatis imputat, quod doctrina sua de Justificatione, Christianam Ethicen subvertant. Is igitur, tractatu Gallico de forma sive natura fidei justificantis, docet fidem justificantem non satis accurate & prudenter definiri per firmam fiduciam, & plenam certitudinem, qua fidelis credit peccata sibi esse per Christum remissa; quia firma illa & plena certitudo, de propria salute & remissione peccatorum suorum, notat quidem fidei supremum gradum, & summam perfectionem, non tamen fidei formam essentialem, quae potius in his tribus consistit, 1. Ut Christi merita amplectamur; 2. Ut ea nobis appropriemus, & nostra faciamus; 3. Ut extra ipsum salutem non quaeramus, secundum quod habet Belgica Confessio, asserens veram Fidem esse, quae Jesum Christum cum omnibus suis meritis amplectitur, illumque sibi ceu proprium effectum vindicat, nihilque deinceps extra illum quaerit. Art. 22.