Annotatio I §.IV: Do not confuse proposition-propriety with real supernatural presence and manducation
Do not mix the propriety of Christ’s Eucharistic proposition with the question of real substantial presence and manducation in the Supper.
Deny propriety of the words, and you still have not denied real presence or eating — the first fight is logical (words/terms); the second metaphysical (the thing).
This bread is my body can be improper while Christ’s body is truly present and eaten supernaturally and spiritually (John 6; 1 Cor. 10) — just as asserting propriety alone does not prove that presence.
Latin
Ad quas tamen Reformatorum doctorum Interpretationes propositionis Eucharisticae, oppidò annotandum est: Non confundendam hic quaestionem de proprietate vel improprietate propositionis Christi Eucharisticae, cum quaestione, sive de praesentia, sive de manducatione corporis Christi, in Coena, reali ac substantiali: neque enim ex negata Priori, i. e. ex negata proprietate verborum, rectè infertur posterioris negatio i. e. negatio praesentiae & manducationis realis. Prior negatio verba spectat & terminos, seu propositionem ex verbis & terminis confiatam; posterior rem ipsam hujusque attributa. Prior, formaliter accepta, Logica magis, posterior verò magis Metaphysica. Propositio Christi: Hoc, i. e. hic panis est corpus meum, potest esse impropria, etiamsi corpus Christi, quod impropriè de pane hoc loco praedicatur, propriè, i. e. reverâ in Eucharistia & praesens sit & manducetur, supernaturali scilicet & spirituali nobisque imperceptibili modo. Sicuti enim, non per solam propositionis Christi assertam proprietatem, corpus ejus in Coena supernaturali modo praesens asseritur reque ipsâ manducari, ita nec per solam propositionis ejusdem negatam proprietatem, corpus ejus supernaturali modo vel praesens, vel re ipsâ manducari negatur. Praesentia pariter ac manducatio corporis Christi supernaturales & spirituales, eaeque quàm maximè reales & substantiales, (unicum illum à Christo definitum praesentiae & manducationis corporis sui, tàm intra, quàm extra Eucharistiam, modum designantes) ex cap. 6. Johan. & 1. Cor. 10. satis superque intelliguntur & citra omnem controversiam admittuntur, etiamsi propositio Institutionis S. Coenae definitiva: Hoc est corpus meum, ad modum definitivarum Sacramentalium omnium, impropria seu figurata ac tropica defendatur.