Annotatio IV §.IX: Augustine (1) — Institution words figurative; metonymy; Doctr. Chr. 2.16
Augustine (1): the essential Institution words (‘Take, eat, This is my Body’) are figurative — not without metonymy (Against Adimantus 12; Doctr. Chr. 2.16).
If a command seems to order a crime, it is figurative: ‘Unless you eat my flesh…’ seems criminal — therefore it is a FIGURE commanding communion in the Passion and memory of the crucified flesh.
Latin
POSTERIOR verò, Veritatem in hoc puncto divinam omnem elocuturus (1) Verba Institutionis S. Cœnæ Essentialia: Accipite edite, Hoc est Corpus meum, figurata esse, nec sine Metonymiæ tropo accipienda, satis clarè pronuntiat, quando contra Adimantum Lib. 12. ita scribit: Dominus non dubitavit dicere, Hoc est corpus meum, cum signum daret corporis sui, subnexa insuper ratione Lib. 2. de Doctrina Christ. c. 16., ob quam in mandato Christi, de manducando corpore suo, aliisque similibus, Figura necessariò subintelligenda sit; si, inquit Augustinus, præceptiva locutio aut flagitium aut facinus videtur jubere, aut utilitatem aut beneficium vetare, figurata est. Nisi manducaveritis, inquit Christus, carnem Filii Hominis & sanguinem biberitis, non habebitis Vitam in vobis, facinus vel flagitium videtur jubere, FIGURA EST ERGO, præcipiens, Passioni Domini esse communicandum & suaviter atque utiliter recondendum in memoria, quod pro nobis caro ejus crucifixa & vulnerata est.