Annotatio V §.IV: reply — organ defines mode; natural mouth makes Oral partly Natural/Capernaite
Reply (1): the organ most of all defines the mode. Even Lutherans distinguish spiritual from sacramental eating by organ — soul’s mouth (living faith) vs body’s mouth — not by a different object (Christ’s body in both).
A natural mouth so far makes the so-called supernatural eating also Natural, and thus partly Carnal/Capernaite. Strict oral eating of solid food (Christ’s human body) essentially includes chewing and stomach-descent — see §.I. The Author’s instances miss the door by a whole heaven.
Latin
RESPON. (1) Organon manducationis, omnium maximè, ad modum Manducationis definiendum, facere; Quandoquidem Manducatio in Casu recto actionem dicit per organum seu Instrumentum, aliud aliudque, quô peragitur, modaliter diversam evasuram; Ita ipsis Lutheranis, Spiritualis & Sacramentalis Manducatio, alium aliumque modum Manducationis inferunt, non adeo ob diversitatem sui Objecti, vel Fundamenti, quod in utraque Manducatione, saltem inadæquate, idem est, scil. Corpus Christi, & Spiritualiter, & Sacramentaliter, seu Oraliter, in S. Cœna, juxta ipsos, manducandum; sed ob diversitatem Organi, quòd Spiritualis Manducatio Corporis Christi, Ore animæ spirituali, h. e. fide verâ vivâque, Sacramentalis vice versâ, Ore Corporis corporali peragatur; Hinc etiam solum naturale Organon, quô Manducatio Corporis Christi, Supernaturalis dicta, conceditur peragi, puta os Corporis Naturale, Supernaturalitati Manducationis in tantum sanè detrahit, ut non merè Supernaturalis, sed justô etiam titulô, eatenus Naturalis dici debeat, quatenus Organô Corporis naturali instituitur: At, quô respectu Manducatio audit Naturalis, eodem & Carnalis, & Capernaitica, saltem ex parte evadit, quia Capernaitæ Corpus Christi Ore quoque Corporis præsumebant manducandum; quin talis, ex potissimâ sui parte, si non ex toto, enascitur, quia Capernaitæ Manducationi suæ Orali corporis Christi, nullibi Lacerationem dentium & dejectionem cibi in Ventriculum, magis quàm ipsi Lutherani intrusisse leguntur. Quanquam utraque actio, tàm Masticatio dentium, quàm Dejectio esculenti in ventriculum, ad Manducationem hominis stricte sic dictam Oralem, & pro Objecto solidum cibum, (qualis humanum Christi corpus est) habentem, essentialiter pertineat, nec Instantiæ Autoris aliud evincant, à janua omnes totôque cœlô aberrantes. Vide supra §. I.