Annotatio V §.IV: reply to first — double elenchus + double petitio; Oral nowhere clear in Scripture
Reply to (1): double elenchus + double petitio. The live question is not whether doubting clear Scripture or a truly divine Oral would be grave, but whether Oral — even if true — is so necessary that denying it shakes the Christian foundation / excludes from the saints’ communion.
Petitio: Oral is nowhere clearly set in Scripture — ‘Eat, this is my Body’ is no clearer for Oral than John 6, which Lutherans themselves deny teaches Oral. Nor did Christ pronounce of a bread+body complex that never exists; He spoke of the bread tropically, as of the cup as New Testament — without canceling most-true spiritual presence (Jn 6).
Latin
Cui Resp. ad primum: Tùm Elenchô duplici, tùm duplici principii Petitione laborare. Elenchô quidem duplici: Neque enim disceptatur, vel de eo; Utrum res magni momenti sit, nec ne, Doctrinam in Scriptura clarè & perspicuè propositam, vocare in dubium itemque, verbis Christi fidem detrahere, quod est Christum facere mendacem, eóque se maximi momenti peccato implicare; Nec: Utrum Oralis Manducatio magni momenti sit, nec ne? quæ si vera, veritate Divinâ, i. e. Veritate à DEO manifestatâ, à Christo ipso indicta, non potest non eô ipsô magni momenti esse; sed de eo solummodò nunc dispicitur: Utrum, datâ Oralis Manducationis Veritate, etiam Divinâ, eóque magni momenti, tanti ista momenti sit, ut negata, fundamentum Christianæ Religionis concutiatur: vel, ut clarius loquar, dogma negetur, ipsius DEI Christique judicio, ad salutem consequendam absolutè necessarium? Itemque, negetur tale Dogma, quod uti sejungit negantem à DEO Christóque, ita communione Sanctorum ecclesiasticâ excludit? Non minùs verò duplici petitione principii Primum laborat: In quæstione enim est quam maximè: (1) Oralem Corporis Christi Manducationem esse Doctrinam clarè & perspicuè in Scriptura propositam; quandoquidem nullibi proposita legitur. Certe in Institutionis S. Cœnæ verbis hisce: Edite, hoc est Corpus meum, non clariùs proposita est, quàm in Verbis Christi Joh. 6. Nisi quis comederit Carnem Filii hominis, non habet vitam in se, in quibus tamen eam proponi, ipsimet Lutherani inficiantur. (2) Christum de toto sympeplegmenô, seu Complexo ex pane & Corpore, pronunciasse: Edite hoc est Corpus meum; cùm tale Complexum nunquam exstiterit, nec exstiturum unquam sit; Pronunciaverit verò Christus de pane, in manus accepto, benedicto, fracto, Discipulorum manibus tradito: Hoc est Corpus meum, eodem prorsus pronunciandi modo, quo paulò post pronunciabat: Hoc poculum est Novum Testamentum in sanguine meo, i. e. pronunciandi modo tropicô seu figuratô, qui tamen non tollat præsentiam Corporis Christi in Cœna verissimam, Spiritualem interim admittat tantùm, utpote spirituali duntaxat, non aliô, modô manducari injuncti Joh. 6. uti inconfesso est.