Julian excerpt in the intermediary document
In one person, the intention is rightly condemned and the origin praised, because there are two things to…
In one person, the intention is rightly condemned and the origin praised, because there are two things to which opposite judgments can be applied. In an infant, however, there is only one thing: nature alone, because there is no will. That one thing, then, must be assigned either to God or to a demon. If nature comes through God, there can be no original evil in it. If it comes from the devil, there will be no basis for claiming the human being as God’s work. Thus anyone who defends original evil is thoroughly Manichaean.
Latin
"In uno - inquit - homine iure vituperatur intentio et origo laudatur, quia duosunt, quae contrariis adplicentur; in parvulo autem unum est, natura tantum, quia voluntas non est. Illud ergo unum - inquit - aut Deo adscribetur, aut daemoni. Si natura - inquit - per Deum est, non potest in ea esse originale malum; si a diabolo, nihil erit, per quod homo divino operi vindicetur. Perfecte itaque Manichaeus est, qui malum originale defendit". Audiat potius adversum ista quod verum est. In uno homine iure vituperatur intentio et natura laudatur, quia duo sunt, quae contrariis applicentur; sed etiam in parvulo non unum est tantum, id est natura, in qua creatus est homo a Deo bono; habet enim et vitium, quod per unum in omnes homines pertransiit, sicut sapit Apostolus, non sicut desipit Pelagius vel Caelestius vel eorum quicumque discipulus. Horum itaque duorum, quae in parvulo esse diximus, unum adscribitur Deo, alterum diabolo. Et quod utrumque propter unum horum, id est, propter vitium subicitur potestati diaboli, ideo non est incongruum, quia non fit ipsius diaboli potestate, sed Dei; subicitur autem vitium vitio, natura naturae; quia et in diabolo utrumque est, ut, cum dilecti et electi de potestate tenebrarum eruuntur, cui iure subduntur, appareat quid donetur iustificatis bonis a Deo bono bene operante et de malis.