In the mercifully called, God dispels mental darkness, softens the hard heart, orders disordered appetites.
New holiness rises chiefly as an internal lasting habitual grace, not merely isolated good works.
Latin
VI. Verum Deus in iis, quos misericorditer per fidem ad se vocat, tantis malis me-detur. Ex mente siquidem tenebras per peccatum inductas dispellit, illamque coelesti quadam & divina luce collustrat. Pravam voluntatem corrigit, & cor durum emollit, bonique amore accendit & inflammat. Denique perturbatos & inordinatos affectus & appetitus componit, & cogit in ordinem, ipsamque rebellem concupiscentiam do-minio spoliat, & quasi sub jugum mittit. Ex quibus omnibus exurgit sanctitas & justitia illa nova, quam, verbo Dei duce, in fidelibus ultro agnoscimus, quaeque, ut satis ex dictis apparet, in solis quibusdam bonis operibus non consistit, sed potissimum in interna quadam & permanenti gratia, quae per modum habitus animam afficit & ex-ornat.