God richly rewards this holiness now and hereafter; piety has promise of this life and the next.
At the last judgment he will solemnly attest believers' righteousness and crown it with eternal life—the crown of righteousness.
Latin
XIV. Quantopere vero Deus gratam habeat sanctitatem & justitiam quae fidelibus inest, inde patet quod ea non tantum in hoc saeculo, sed etiam in futuro magnifice remuneratur. Nam, ut ait sapiens, Justis retribuuntur bona, Prov. 13. 21. & pietas, quae sanctitate & justitia illa constat, promissiones habet non solum hujus, sed futurae vitae, ut docet Apostolus 1 Timoth. 4. 8. Quumque Deus olim vivos & mortuos judicabit, justitiae fidelium testimonium solenne perhibebit, eamque coram universo mundo laudaturus & praemiaturus est vita & gloria aeterna, quam gratuito promisit omnibus qui sanctitati & justitiae student. Nam, ut Christus ipse Dominus noster ait, Justi fulgebunt sicut sol in regno Patris sui, Matth. 13. 43. Unde est quod vita illa, & gloria aeterna vocatur ab Apostolo Corona justitiae, 2 Tim. 4. 8. Reposita est, inquit, mihi corona justitiae, quam Deus justus judex mihi reddet in die illa.