Isaiah 53, speaking future as past, depicts the Messiah bearing our griefs and iniquity.
Wounded for our transgressions; by his bruise we are healed; soul poured out for many.
Latin
X. Qua de re multis ante Christi adventum saeculis clare admodum fuit vaticinatus Isaias, cap. 53. ubi juxta morem propheticum, de rebus futuris verbis praeteriti temporis loquens, sic venturi Messiae passiones pro nobis describit. Vere languores nostros ipse tulit, & dolores nostros portavit; nos autem reputavimus eum plagis afflictum, percussum & humiliatum a Deo. Ipse autem vulneratus est propter praevaricationes nostras, attritus est propter iniquitates nostras: castigatio pacis nostrae super eum, & livore ejus sanati sumus. Omnes nos quasi oves erravimus, unusquisque in viam suam declinavit; & posuit Dominus in eo iniquitatem omnium nostrum. Et postea, Propter praevaricationem populi mei plaga fuit ei. Item, Effudit in mortem animam suam, & cum praevaricatoribus annumeratus est, ipseque peccatum multorum tulit, & pro peccatoribus oravit.