Inherent holiness given with remission, not its meritorious cause
God never absolves without also clothing in true habitual holiness growing toward future perfection.
That inherent righteousness is not the meritorious cause of remission or adoption—both are free gifts for Christ’s sake.
Latin
XV. Verum est quidem Deum neminem propter Christum a peccatis absolvere, quin simul illum induat habitu justitiae & sanctitatis verae, quae a primis initiis paulatim contendit ad perfectionem, ad quam demum in futuro saeculo perveniemus. Sed justitia illa licet Deo probetur, & promissionem habeat vitae & gloriae aeternae, nullo modo tamen causa est propter quam, & cujus merito a sempiterna poena peccatis nostris debita liberamur, & filii Dei per adoptionem, adeoque regni coelestis haeredes instituimur: Verum simul cum remissione peccatorum nostrorum justitiam ejusmodi propter Christi meritum & satisfactionem a Deo accipimus. Estque tam justitia ista quam remissio peccatorum respectu nostri mere gratuitum Dei donum. Neque haec ab illa tanquam a causa meritoria & impulsiva pendet.