No Roman doctor dares claim inherent justice stands God’s severe bar without mercy.
Stapleton and Vasquez: say with the Psalmist—enter not into judgment; venials still need mercy.
Latin
XXX. Quippe nullus eorum est, quantum equidem novi, qui dicere audeat fideles propria & sibi inhaerente justitia fretos, posse coram severo tribunali Dei consistere, & in eo reos non peragi, etiamsi Deus illos absque misericordia judicet: Aut qui reclamet Stapletono fatenti, Si secundum severum judicium Deus homines judicaret, nullam hominis justitiam in isto judicio stare posse: Lib. de Justif. cap. 14. Et Vasquezio agnoscenti unumquemque nostrum, tam ante justificationem, quam post justificationem, teneri cum Psalmista dicere, Ne intres in judicium cum servo tuo; Quoniam, nisi Deus nos misericordia sua praeveniat, ut a peccatis justificemur, non poterimus non in judicio Dei damnari. Et adhuc post justificationem a peccato mortali, multa venialia manent, quae, nisi Dei misericordia deleantur, priusquam ad judicium Dei vocemur, non poterit homo omnino justificari, hoc est, omnino effugere Dei judicium & ultionem. Tom. 2. in 1. 2. Disp. 222. Cap. 6. num. 44.