Washed disciples still need foot-washing; sanctify them in truth
Even the blood-washed still gather foot-dust and need ongoing cleansing (John 13).
Christ prays the Father to sanctify already-clean disciples in the truth of the word (John 17).
Latin
XVII. Propterea Christus Dominus, loquens de illis qui sunt ipsius sanguine & spiritu abluti, Qui lotus est, inquit, non indiget nisi ut pedes lavet, sed est mundus totus. Joan. 13. Quibus verbis innuit illis ipsis qui sunt per ejus gratiam mundati & sanctificati, semper aliquid terrenarum sordium adhaerescere, a quo purgari & ablui debeant: quemadmodum illi qui corpus abluerunt, non possunt quin pedibus quibus terram contingunt, pulveris aliquid colligant, quo saltem illa parte contaminantur. Ideoque Patrem orat pro discipulis, quos jam ante mundos pronunciaverat, ut illos verbo suo sanctificet; Sanctifica, inquit, eos in veritate tua; verbum tuum est veritas. Joan. 17.