Roman calumny: Protestants make absolute certainty of pardon the essence of justifying faith
Romans often charge that Protestants make a firm persuasion of personal pardon the essence of saving faith.
They claim this certainty must match assent to Christ’s deity, that without it no one is truly faithful, and that it alone justifies even those who are wicked.
Latin
I. Inter varias calumnias quibus Protestantium Doctrina in Justificationis negotio impetitur, hae quoque frequenter occurrunt, Quod communi consensu doceant, Omnes & singulos homines posse & debere certa fide credere sibi fuisse remissa peccata, & se coram Deo justos esse. Id illis tam firmiter persuasum esse debere, quam hoc Jesum Christum esse Dei Filium & mundi Redemptorem, & similia fidei dogmata. Talem persuasionem ita necessariam esse, ut absque ea nemo vere fidelis & justus esse possit; non secus ac si credere detractaret aliquem ex praecipuis & fundamentalibus fidei articulis. In ejusmodi persuasione fidem veram & salvificam constituendam esse, tanquam in ejus actu proprio atque praecipuo. Adeoque homines tali fide, & quidem sola, coram Deo justificari, licet alioqui vitiis indulgeant, nec studeant bonis operibus.