Paul often speaks as wholly secure of God’s kindness and of Christ living in him
Paul often speaks as secure of God’s mercy and of Christ living in him.
Galatians 2 and the Pastorals voice obtained mercy and a laid-up crown of righteousness.
Latin
VII. Quam saepe vero Paulus loquitur tanquam omnino securus de Dei erga ipsum benignitate & misericordia, & ut sentiens atque percipiens Christum per gratiam suam in ipso viventem atque habitantem. Vivo autem, inquit, jam non ego; vivit vero in me Christus. Quod autem nunc vivo in carne, in fide vivo filii Dei, qui dilexit me, & tradidit semetipsum pro me. Gal. 2. Quibus consona sunt quae scribit 1 Tim. 1. Gratias ago ei qui me confortavit in Christo Jesu Domino nostro, quia fidelem me existimavit, ponens in ministerio, qui primum blasphemus fui, & persecutor, & contumeliosus. Sed misericordiam Dei consecutus sum, quia ignorans feci in incredulitate. Superabundavit autem gratia Domini nostri cum fide & dilectione quae est in Christo Jesu. Unde est quod 2 Tim. 4. sic in Domino gloriatur, Bonum certamen certavi, cursum consummavi, fidem servavi. In reliquo reposita est mihi corona justitiae, quam reddet mihi Dominus in illo die justus judex.