Constant thanksgiving for remitted sins is absurd without certainty of the gift
Believers must thank God for remission and rescue in Christ.
Thanksgiving without certainty of the gift is mockery, not gratitude.
Latin
XII. Praeterea perpetuum fidelium officium est Deo gratias agere, propter beneficia ipsis in Christo collata, remissionem, scilicet, peccatorum in Christi sanguine, & vindicationem a servitute peccati & potestate tenebrarum. Col. 1. Gratias agentes Deo & Patri, qui dignos nos fecit in partem sortis sanctorum in lumine: qui eripuit nos de potestate tenebrarum, & transtulit in regnum Filii dilectionis suae, in quo habemus redemptionem per sanguinem ejus, remissionem peccatorum. Et Ephes. 1. In quo habemus redemptionem per sanguinem ejus, remissionem peccatorum, secundum divitias gratiae ejus. Quae gratiarum actio frustranea esset & ridicula, si de acceptis beneficiis certi non essemus. Nam qui gratias agit de eo quod incertus est an ipsi donatum sit necne, illudere potius videtur quam gratum animum testari.