Open question: are light sins venial by nature, or only by God’s kindness?
Romans agree on lighter vs. graver sins in effect—yet divide on whether light faults are venial by nature or only by God’s milder law.
Some hold eternal damnation for them would clash with justice; others that God could damn them strictly but chooses temporal penalties.
Latin
X. Caeterum quamvis Doctores Ecclesiae Romanae communi consensu doceant, esse peccata quaedam leviora, quae cum vera justitia & sanctitate simul stant; & hominis amicitiam cum Deo non dissolvunt, nec hominem involvunt reatu poenae & mortis aeternae; ac propterea dicuntur peccata venialia: alia vero graviora, quae hominem statim ex justo injustum constituunt, illumque Deo inimicum reddunt, ac proinde morti & poenae aeternae obnoxium, ideoque vocantur peccata mortalia: Nihilominus inter eos non omnino certum & definitum est, An peccata illa leviora id habeant ex natura sua, & talia per se sint, ut justitiae divinae repugnet illa ad mortem aeternam imputare, & propter illa hominem in perpetuum & prorsus abjicere; cum propter levitatem suam, non nisi poenam & iram temporalem juste mereri possint: An vero per se quidem possent juste puniri perpetua a Dei regno exclusione, & sempiternis gehennae ignibus & cruciatibus; sed quod ad tantam poenam non imputentur, verum ad temporalem duntaxat, id referendum esse ad Dei voluntatem atque benignitatem, quae solum gravioribus & atrocioribus peccatis mortis aeternae poenam lege sua constituit: levioribus autem supplicia tantum quaedam temporalia in lege sua minatur, & reipsa infligit, cum si stricto jure uti ipsi liberet, longe severius & acerbius posset cum homine agere.