Deos alienos & conflatiles: unauthorized Jehovah-images still count as alien gods because God never willed that mode

XXXVI. Sed majori cum specie opponi potest quod Deus Jeroboamo per prophetam exprobrat, fecisti tibi Deos alienos & conflatiles, ut me ad iracundiam provocares. Verum si Jeroboam, ut supra ostensum, non alium Deum in vitulis colebat, quam Jehovam, quomodo dicuntur ei facti dii alieni? Respondetur, imagines istas, quamvis ad veri Dei cultum fabricatae fuerint, nihilominus jure optimo Deos alienos appellari, quia Deus eas non agnoverat, nec unquam voluerat eo modo coli; ac proinde cultus ille, qui imaginibus illis deferebatur, non erat cultus a Deo institutus, sed ab hominibus inventus, & Deo perinde ingratus ac si alienis numinibus exhibitus fuisset.