Bellarmines Ps 106 forgotten God does not prove absolute calf-cult—Scripture calls willful disobedience forgetting God
Bellarmines Ps 106 forgetfulness does not equal atheism about Jehovah.
Scripture also calls thieves and adulterers forgetters of God while they still profess him—same idiom covers calf-cult disobedience.
Latin
XXXV. Leve est etiam quod opponit Bellarminus, ut probabile reddat Israelitas in vitulo non intendisse verum Deum colere, nimirum quod dicuntur obliti Dei servatoris sui, quum vitulum adoraverunt, Psal. 106. Fecerunt vitulum in Horeb & adoraverunt sculptile: & obliti sunt Deum, qui salvavit eos, qui fecit magnalia in Aegypto, mirabilia in terra Cham, terribilia in mari rubro. Etenim in Scriptura illi Deum obliti dicuntur, non solum ex quorum mente fides & cogitatio de Deo prorsus deleta est, sed qui agunt quasi Dei non meminissent, mandatis ejus aperte obluctantes, quantumlibet in verum Deum credere se profitantur. Sic Psal. 50. propheta fures, moechos, & maledicos graviter reprehendit, accusans illos quod Deum obliti sint: quamvis plurimi, qui vitiis ejusmodi indulgent, aliquam de Deo fidem retineant, nec omnem memoriam de Deo exuerint.