Much cult is titles and eulogies—Mary called Queen, Door of heaven, Refuge of sinners, ‘by thee the world is saved’
Much Roman Saint-cult is piled titles and eulogies—especially Mary’s.
She is absolute Queen, Door of heaven, Refuge of sinners, Help of Christians.
Hymns even say: through her the world is saved and life given.
Latin
LXI. Praeterea bona pars cultus quem Sanctis deferre solent in Ecclesia Romana consistit in laudibus, titulis, atque elogiis, quibus illos ornare intendunt, quaeque in suis precibus & hymnis, ac quibuslibet suae devotionis libris magno studio accumulant. Quo genere honoris Beatam praecipue Virginem prosequuntur. Itaque passim illam in suis hymnis atque Litaniis vocant absolute Reginam, & Dominam. Reginam coeli, Reginam & Dominam mundi: Reginam Angelorum: Imo Monarcham inclytam. Vocant illam matrem Misericordiae, Matrem gratiae, & Fontem omni gratia scatentem. Item, Januam coeli, Foelicem caeli portam, Foenicem Paradisi, Foederis arcam, Stellam Maris, Stellam Matutinam, Salutem infirmorum, Refugium peccatorum, Auxilium Christianorum, Lucem mundi pellentem cuncta schismata. Ibidem salutatur, spes mundi, spes & vita nostra, & lux cuncta schismata & quaeque nubila pellens. Illi etiam dicitur: Per te Mundus salvatus est: Per te sursum levatus est: Per te jam mors damnata est: Per te vita donata est. Quorum singulorum exempla reperiuntur, tum in ordinariis Sanctae Virginis Litaniis, tum in hymnis Ecclesiasticis, cum libro Psalmorum impressis Parisiis apud Gulielmum Chaudiere anno 1582. Ubi quoque reperiuntur hymni superius citati.