Dea title in poems and prose—Lipsius, Mendoza, Catharinus, Bembo; Bustis prefer ‘Queen of mercy’
Many even give Mary the name Goddess—in verse (Lipsius) and prose (Mendoza, Beroaldus, Catharinus).
Bembo for Leo X speaks of ‘the Goddess’ at Loreto; Bustis allow ‘Goddess of Goddesses’ but prefer Queen of mercy.
Latin
LXVII. Neque solum omnium Domina & Regina in Ecclesia Romana Sancta Virgo dicitur, sed ipsum Deae nomen a multis illi tribuitur. Frequens id est in sacris eorum Poematis, ut in illo Lipsii, Hae tibi laudes Dea dicet omnis, Sexus & aetas. Item, An sudat Dea sanguinem hoc in aevo. Et in illo Caesaris, Nec terra ad superos trade Dea calle secundo, & pluribus aliis. Sed & illi qui scribunt oratione soluta non raro Deae nomen Beatae Virgini tribuunt. Sic Mendoza Jesuita dicit, per Orationem Virginem fieri universae tanquam Deam creaturae. Sic Philippus Beroaldus, Quid majus, inquit, in laudem Deae nostrae dicitur, quam quod materno affectu & indulgentia nos foveat? Sic Ambrosius Catharinus unus ex Patribus Synodi Tridentinae, aliquid ex Augustino citans, Verbum protulit, inquit, Augustinus pro Domina Dea nostra, quod non pigebit referre. Verum, Non hominem dici eam sit fas quae mater est Dei, quae amicta sole & coronata duodecim stellis lunam habet sub pedibus. O Dea certe quae adeo particeps fuisti divinitatis, ut sola servata sis tanquam paradisus Dei, Dei manibus excolendus. Quin ipse Cardinalis Bembus nomine Leonis X. ad quandam Italiae civitatem scribens, monet ut meliora ligna in usum aedis Lauretanae donent, Ne tum nos, inquit, tum etiam Deam ipsam, indigna inutilium lignorum donatione lusisse videamini. Antoninus vero & Bernardinus de Bustis, saepe Beatam Virginem Deam Dearum recte dici posse, sed in solatium peccatorum, eam tamen dici malunt Reginam misericordiae.