Triple respect — act, effects, eternal relation; no cause of the act
Three respects: will’s act; temporal effects; eternal relation.
Of the act itself: no cause in man — unanimous.
Divine will is cause of all; has no cause.
Latin
II. Porro praedestinatio sub hac notione accepta, secundum Scholae Romanae Theologos tripliciter considerari potest. Et prima quidem ratione actus ipsius voluntatis divinae, per quem Deus homines ad salutem destinat. Secundo, ratione effectuum illius actus, qui conferuntur homini in tempore, & qui omnes ad gratiam & gloriam revocantur. Denique secundum terminationem atque relationem, quam divina voluntas ab aeterno habuit ad effectus illos futuros. Priori modo confitentur omnes Scholae Romanae Doctores, absque ulla haesitatione, nullam causam divinae praedestinationis a parte hominis dari, vel cogitari posse, ut nec divinae voluntatis, quae cum ipsa sit causa rerum omnium, nullam causam habere potest.