Scotus: the elect, with grace-goods willed before this sensible world.
Latin
XVI. Idem autem secum hac in parte sensisse non paucos, ex Scholasticis, tam veteribus, quam recentioribus, ostendit Alphonsus Mendoza, jam dicta quaestione, Sectione quarta. Ubi pro se citat Jacobum Naclantum Episcopum Clugiensem, Albertum Pighium, Petrum Galatinum, Ambrosium Catharinum, & quem caeteris omnibus praefert, Joannem Scotum, cujus citat multa verba, ex quibus patet, juxta Doctorem illum subtilem, Deum electos praedestinasse, & bona gratiae ipsis voluisse, priusquam vellet hunc mundum sensibilem, quem Deus ab aeterno voluit in ordine ad hominem praedestinatum, propter quem totam naturam visibilem creare constituit.