Infralapsarian majority — object is the mass corrupted by sin (Dort)
Most Reformed: object = mass corrupted by sin (infralapsarian).
Creation-decree and fall-permission are not parts of total praedestinatio.
Foresight of fall before mercy-election — Dort-conformable majority.
Latin
XXIII. Verumtamen maxima pars Doctorum Scholae Reformatae Deo praedestinanti objectum fuisse volunt massam peccato corruptam, nec decretum de homine creando & de primo lapsu hominis permittendo ingredi volunt decretum totale praedestinationis & partem illius facere. Sed ex eorum sententia in Deo, secundum nostrum concipiendi modum, prius extitit lapsus hominis praevisio, quam decretum de misericordia in salute quorundam hominum exercenda, atque manifestanda: quod a Theologis vocatur electio, seu praedestinatio. Ac proinde, juxta ipsos, objectum electionis & praedestinationis est homo lapsus & peccato corruptus: neque in eo describendo atque definiendo supra hominis lapsum & creationem assurgere debemus. Atque haec sententia maxime conformis est Canonibus Synodi Dordracenae, illamque sequuntur longe plurimi Reformatorum, quorum nomina recensere & prolixum nimis & superfluum foret.