Public confessions: Thorun Polish Declaration and English Confession on saving faith
Public Reformed confessions outweigh private doctor lists.
Toruń 1645 Polish Declaration IV.8: justifying faith fiducially embraces and applies the Gospel promise with a contrite heart — then efficacious through charity.
English Confession (~same time) ch. 14: believe all God reveals; obey, tremble, embrace promises.
Chief acts: accept and receive Christ; rest in Him alone for justification and eternal life by the covenant of grace.
Latin
XV. Sed omissis aliis privatorum doctorum definitionibus, hic maxime considerandae sunt fidei descriptiones quae publice Ecclesiarum Reformatarum Confessionibus sunt veluti sancitae. Qualis est illa quae habetur in Declaratione doctrinae Catholicae Ecclesiarum Reformatarum, in conventu Thoruniensi, ab Ecclesiarum Polonicarum deputatis lecta & exhibita, Anno 1645. Et in Confessione Ecclesiae Anglicanae, Parliamenti, ut vocant, Anglicani, circa idem tempus, jussu & mandato publicata. Et Ecclesiae quidem Polonicae, Declarationis suae capite quarto, paragrapho octavo, sic suam de fide sententiam exponunt. Veram autem fidem & justificantem eam demum dicimus, qua promissionem Evangelii, qua resipiscentibus remissio & vita in Christo offertur, assensu practico seu fiduciali amplectitur, & corde vere contrito sibi applicat, quaque deinceps per charitatem est efficax: cap. 4. sect. 1. num. 8. Illa vero, quam diximus Anglicana Confessio sic describit fidem salutarem, Per hanc fidem Christianus verum credit quicquid est verbo Dei revelatum, propter Dei ipsius in verbo loquentis authoritatem, & differenter agit ac afficitur super singula quae continet istud verbum; mandatis scilicet, obsequens, ad minas contremiscens, & amplectens Dei promissiones, tam quae ad hanc vitam, quam quae ad futuram pertinent. Sed praecipua Acta salutaris illius fidei sunt acceptare & recipere Christum, & in eo solo acquiescere ad justificationem, & vitam aeternam, virtute foederis gratiae: cap. 14.