Cocceius with Wittich: faith a species of love — vs those who keep love only as effect
Wittich cites Cocceius: faith = a species of love of God as expiator and healer.
Faith connected with charity — Christ’s charity poured in the heart; who believes loves.
Opposed: Maresius, Baron, Bucanus, du Moulin, Saumur — faith in intellect alone.
They grant love is born from true faith and inseparable as effect — but not an act elicited as faith itself (lest faith = charity).
Latin
XXXIX. Et Wittichius ipse loco supra citato in confirmationem sententiae suae profert verba Coccei, dum viveret, in Academia Leydensi Professoris. Fides illa, inquit, est species amoris Dei, cum diligo Deum ut expiantem peccata, & sanantem a peccati morbo & foetu, ut sim ad gloriam ejus. Ad ultima Mosis, pag. 396. Et alio in loco, Omnino igitur fides cum charitate connexa est, cum & ipsa fides nihil sit, nisi charitatis Christi effusio in cordibus nostris, & ejus sensus & reciprocatio. Jam amat qui credit; & nisi amet, nec credit. In Examine Apologiae, pag. 209. Sed contra sentiunt multi e Theologis Reformatis, ut Samuel Maresius, Robertus Baronius, Bucanus, & denique quotquot fidem in solo intellectu locant, ut Petrus Molinaeus, & Professores Salmurienses. Nam omnes illi docent quidem Dei amorem ex vera fide nasci, & esse effectum ab ea plane inseparabilem, nolunt tamen esse actum a fide elicitum, quoniam hoc esset fidem cum charitate confundere.