Le Blanc's denial of remitted-sins persuasion as formal act has wide Reformed backing
Fair readers — and the opponent's conscience — should judge whether denying remitted-sins persuasion as faith's formal justifying act deserts universal Reformed doctrine, or foists a novel fringe view.
Le Blanc's side includes Zanchi, Martyr, Musculus, Perkins, Davenant (Dort subscriber), Ames, Mestrezat, young Du Moulin, Walaeus, Widmar, Wittich, and the Anglican Confession (~30 years earlier).
Even Rivet, Wendelin, Pareus — plus Baron and Maresius — teach the same point in express words, though Le Blanc does not fully approve their wider account on this question.
Latin
CXXVI. Quae cum ita sint, judicet aequus lector, & ipsa Viri Docti, qui Theses meas carpit, conscientia, num ab ipso jure reprehendar, tanquam is qui deseruerim doctrinam in Schola Reformata universim hactenus receptam; ac dolose & dissimulanter, & contra propriam meam conscientiam, obtrudere coner, seu doctrinam in eadem Schola probatam, opinionem quandam novitiam, & ante paucos tantum annos propositam & admissam a duobus vel tribus solum obscuri nominis inter Reformatos Ministris: Idque propterea quod negem actum formalem fidei salvificae, & cujus respectu ipsi tribuitur justificatio, esse persuasionem qua fideles singuli statuunt sibi esse remissa peccata? Quandoquidem palam est ea in re me sequi, aut astipulantes habere Viros in Schola Reformata, tum hoc seculo, tum superiori, Doctissimos & Celeberrimos, Zanchium, Martyrem, Musculum, Perkinsium, Davenantium Episcopum Sarisburiensem, qui Synodo Dordracenae & interfuit & subscripsit, Amesium Franekeranae Theologiae Professorem, Joannem Mestrezatium, apud Parisienses V. D. M. notissimum, Petrum Molinaeum filium, Theologiae Doctorem & Canonicum Cantuariensem, Antonium Walaeum Professorem Leydensem, Widmarium Professorem in Academia Groningana, & Christophorum Wittichium ante hac Noviomagi, & nunc Lugduni Batavorum Theologiae itidem Professorem, ac denique ipsam Confessionem Anglicanam, ante annos paulo minus quam triginta, Theologorum Presbyterianorum communi consensu conscriptam & editam. Ut omittam Theologos ipsos quorum testimonia mihi objicit vir Doctus, Rivetum, Wendelinum, & Davidem Paraeum; quibus addere possunt Robertum Baronium Professorem Aberdonensem, & Samuelem Maresium Professorem Groninganum, idem mecum hac in parte sentire, & docere verbis disertis & expressis; licet alioqui mihi non omnino probetur eorum in hac quaestione doctrina.