Annotatio IV §.XXIV: Clarissimus Professor’s calumny — Reformed feign belief; Danhauer’s Waldenses defense vs Mariana
A Clarissimus Professor’s public Supper Disputation lately charged that Reformed confessions do not match their faith — that they feign belief and feel one thing while speaking another (§. 3).
Strimesius responds to the grave injury by citing Danhauer (not directed at the Professor personally): Pontiffs once said the same of the Waldenses; the Waldenses’ excusing reply and Danhauer call hypocrisy-without-reason the calumniator’s last refuge.
Latin
Cæterùm assertionis hujus veritas ac evidentia, Reformatorum testimoniis quàm plurimis firmata ac stabilita, adeo nuper perstrinxit cujusdam Professoris Clarissimi oculos, ut in Disputatione publica de Cœna, superiori anno cameraliter ab eo habitâ, quò fundamentalem in hoc articulo Protestantium Dissensum, deplorando certè conatu, evinceret, verba Reformatorum Confessionesque externas, Fidei ipsorum non congruere, h. e. ut verbis ejus utar; Reformatos reverà id non credere quod se credere simulant, neminique non constare, aliud illos sentire, aliud loqui, haud verecundatus fuerit scribere §. 3. Cui gravissimæ injuriæ, toti Ecclesiæ Reformatæ adeo iniquè, & ob finem tam tetrum invidiosumque illatæ, nihil aliud reponimus, quàm fidi Præceptoris sui, Joh. Conr. Danhaueri verba, quibus Waldensium causam, in isto eodem casu, contra Joh. Marianam aliosque Pontificios, defendit, citra tamen omnem, ad Personam Professoris applicationem à nobis recitanda: Adhuc nostro, inquit, seculo, ausi sunt Pontificii scribere, statuisse Waldenses, in Eucharistia sacramento corpus Christi non esse. Colorem rei faciunt per aliam calumniam, quam ipsi Waldenses recensent in Responsione excusatoria ad Literas Augustin. pag. 87. Falso nos arguunt, non esse hanc nostram Confessionem, ex ejusmodi ratione, quod alia scribimus de Sacramento Corporis Christi, & alia credimus. Quibus ita præmissis, subjicit Danhauerus id, quod ab hoc loco alienum non est: Hoc nim. ultimum effugium est eorum, qui si aliàs resorbere calumnias cogerentur, hypocriseos adversarium sine ratione postulant; Dissert. de Ecclesia Waldensium. art. 4. Phænom. 10. §. 34. in medio.