§.IV §.6: Author §.14 reproaches Strimesius for denying Oral’s Fundamentalitatem — claiming contradiction of self, faith-companions, Scripture, and the analogy of faith.
The charge turns on Strimesius’s own rule (p. 73): only Scripture-necessary articles are fundamental — and the Author says the Supper shows mandate (‘do this’) and means (body given for us).
Latin
§. 6. Interim quò denegatam à me, Orali Manducationis Corporis Christi, Fundamentalitatem, quòd ad Fidem Christianam attinet, dignè satis ac sensibiliter exprobraret mihi, arguit Clar. Autor §. 14. me negando Articulum de S. Cœna, fundamentalem esse, & mihi ipsi, & Sociis fidei meæ, & Scripturæ S. (quod DEUS prohibeat,) totique Analogiæ fidei contradixisse. Mihi quidem ipsi, dum omnem solumque Articulum in Scriptura S. ad salutem, vel conceptis verbis, vel per evidentem Consequentiam necessarium dictum p. 73. perhibuerim Fundamentalem esse; Atqui in Articulo de Cœna (fortean etiam quoad Oralem Corporis Christi Manducationem) hujusmodi necessitas se prodat manifesta, scil. tam mandati, quando dicitur: Hoc facite in mei commemorationem: quàm medii, siquidem Corpus Christi pro nobis datum.