Annotatio V §.IV close: Oral (if true) lesser testamentary good — not faith-fundamental; Luke 22:29–30 — stop before §.V
§.IV close: even granting a goods/commodities split, and that testamentary goods differ in weight toward eternal salvation — Oral, if true, belongs to the lesser class (many oral eaters still perish).
So Oral doctrine is not foundational to faith; dissent here is not fundamental dissent — the more so as spiritual eating apart from sacramental suffices for eternal life and already gives its firstfruits (Luke 22:29–30: kingdom by testament to eat and drink at His table). Stop before Annotatio V §.V.
Latin
(2) Ponamus, inter Bona Testamentaria, & Commoda inde oriunda, discriminandum, cùm alias Bona, & Commoda, probe inter se conspirent, Bonaque etiam Commodorum nomine, & vice versâ Commoda nomine Bonorum, appellari queant, tamen istud extra dubium mecum posuerit Autor, Testamentaria bona, si de iis indiscriminatim omnibus sermo sit, non esse ejusdem rationis & ponderis, eorumque alia necessariam, alia minùs necessariam cum salute æterna habere connexionem; hôcque extra dubium positô, vel ipsum arbitrum appello Disputatorem: Num Oralis Manducatio corporis Christi, etiamsi vera foret, per se solam considerata, prioris, an verò posterioris potiùs generis bonis Testamentariis annumeranda veniat? Quodsi a. ad posterioris generis Bona Testamentaria, Oralis Manducatio, si vera sit, pertinet, (quemadmodum ex dictâ hypothesi, ad hæc omnino, non autem priora, pertinere ex eo manifestum evadit, quòd; ex aliâ Autoris hypothesi, multi Oraliter Corpus Christi manducent, qui æternum tamen pereant) utique constat, Doctrinam de Orali Manducatione non esse fidei Christianæ fundamentalem & per consequens, dissensum in hac Doctrina, non esse dissensum Fidei fundamentalem, tantóque minùs; quanto inter ita dissidentes, magis convenit, Spiritualem Manducationem corporis Christi, etiam citra omnem Sacramentalem, ad salutem æternam obtinendam sufficere, quin, dum intimam hæc cum Christo Unionem Communionémque absolvit, vitæ eam æternæ, Spiritualiter Corpus Christi manducantibus testamento à Christo legatæ, primitias præbere: Quorsum pertinet istud, paulò post Institutionem S. Cœnæ, discipulis suis, spirituali Manducatione usis, à Christo dictum: Kagō diatithemai hymin basileian &c. Et ego vobis Testamento addico Regnum, ut edatis & bibatis ad mensam meam in Regno meo, Luc. 22, 29. & 30.