Faith alone does not mean faith cut off from love and repentance
Sola fide is not the bare believing act cut off from love, hope, and repentance.
Living charity-working faith includes conversion's required acts as prerequisite.
Latin
XXX. Imo, quum solam fidem justificare dicimus, ne id quidem significamus, solum credendi actum praecise sumptum, prout actibus amoris & spei opponitur, & distinguitur a resipiscentia, sive poenitentia, esse conditionem, quam novum foedus, sive Evangelium postulat, ut peccatorum nostrorum remissionem consequamur, & propter Christum ab iis absolvamur. Nam veniae spes & Dei dilectio, itemque dolor de peccato, & novae vitae propositum, ac uno verbo, actus omnes ad veram & seriam conversionem requisiti, sunt etiam quiddam necessarium & omnino praerequisitum, ut aliquis a Deo in gratiam recipiatur, & ab eo deinceps habeatur pro justificato. Imo fides illa viva & per charitatem operans, quam justificare solam affirmamus, omnia ista includit, & involvit.