Paraeus, Ames, British: prior conditions, not causing causes
Paraeus: dispositions may precede justification; justification is not acquired by them as causes.
Ames and the British: prior conditions under the Word, not sudden enthusiasm—Acts 2:37.
Latin
LIII. Qua de re videri potest Paraeus in Bellarminum lib. 5. de Justif. cap. 7. Secundo, inquit, tenendum est, non esse idem dicere dispositiones praecedere justifica-tionem, seu requiri ante justificationem, & dispositiones requiri ad justificationem, seu justificationem acquiri per dispositiones. Nos posterius negamus. Prius recte intelle-ctum concedimus. Similiter Amesius in Bellarmino Enervato, Tom. 4. lib. 5. cap. 4. responsione ad quartum argumentum, concedit dilectionem aliquam esse priorem remis-sione peccatorum, sive justificatione, ut conditionem praerequisitam; licet dilectio nulla remissionem praecedat ut dispositio causans. Et resp. ad quintum argumentum, poenitentia quae est dolor & detestatio peccati, ipso fatente antecedit quidem justifi-cationem, ut dispositio ex ordine praerequisita; sed non ut causa. Quibuscum con-sentiunt quae Theol. Britanni in judicio jam citato dicunt. Ad statum justificationis, in quo pacem habemus apud Deum per Dominum nostrum Jesum Christum, non solet gratia divina homines perducere per subitum enthusiastum, sed multis praeviis actio-nibus ministerio Verbi subactos, & praeparatos. Hoc videre licet in illis, qui audita Petri concione, peccati onus sentiunt, timent, dolent, liberationem desiderant, spem ali-quam veniae concipiunt: quae omnia ex illis verbis concipi possunt, Act. 2. 37. Quum haec audivissent, compuncti sunt corde suo, & dixerunt ad Petrum & reliquos Apo-stolos, Viri Fratres, quid faciemus?