What Reformed mean by imputed Christ’s righteousness
Reformed “imputed righteousness” means Christ’s cross-obedience given as truly ours—the sole ground of absolution and adoption.
No inherent works can stand law’s rigor; conscience flees only to Christ’s merit.
Latin
XIX. Huc autem, non alio respiciunt Scholae Reformatae Doctores, quum dicunt Christi justitiam nobis imputari, nosque justificari & justos esse coram Deo per imputatam Christi justitiam, non vero per justitiam ullam quae nobis inhaereat. His enim & similibus formulis nihil aliud significare volunt quam Christi obedientiam usque ad mortem crucis, Deo Patri nostro nomine praestitam, ita nobis a Deo donari ut vere nostra censeatur, eamque esse unicam & solam illam justitiam propter quam & cujus merito & virtute absolvimur a reatu peccatorum nostrorum, & in Dei filios ac vitae aeternae haeredes adoptamur: Nec ullam in nobis esse justitiam, aut ulla bona opera quibus beneficia tanta promereamur; quaeve ferre possint districtum judicii divini examen, si Deus juxta legis suae rigorem nobiscum agere velit. Ac proinde, quum severum Dei tribunal cogitamus, & maledictionem transgressoribus a lege intentatam, juxta terribilem illam clausulam, Maledictus omnis qui non permanserit in omnibus quae scripta sunt in libro legis hujus, ut faciat ea; nihil nos ei posse opponere, nisi Christi meritum & satisfactionem; in qua sola, peccatorum conscientia exterriti, tutum adversus iram divinam perfugium, & animarum nostrarum pacem & solatium invenire possumus.