Davenant: just from inherent; justified from imputed
Davenant: “just” from inherent inchoate form; “justified” from Christ’s perfect imputed righteousness.
All justified receive infused habitual justice by which God also calls them just.
Latin
XXIV. Monet istud Davenantius Episcopus Sarisburiensis, qui de doctrina Justificationis Reformatorum omnium accuratissime scripsit, & maximo cum Scholae Orthodoxae applausu. Nam libro de Justitia habituali, cap. 27. Illud, inquit, obiter observetis velim, nos haud affirmare denominationem justi in Scriptura sumi a forma extrinseca, sed justificati. Justi enim quemadmodum & sancti in Scripturis vocantur nonnulli ab inchoata justitia in ipsis inhaerente: sed justificati dicuntur a perfectissima Christi justitia ipsis imputata. Et ejusdem libri capite tertio duas hasce propositiones sigillatim probat & explicat, Primo, Donari sive infundi omnibus justificatis habitualem quandam, sive inhaerentem justitiam. Deinde, In hac infusa, sive inhaerente justitia fideles & renovatos omnes vocari & censeri justos, idque ab ipso Deo.