Certainty arises from promise plus inward sense of living faith and repentance
Assurance is not bare assent to general gospel promises.
It requires the reflective subsumption: I myself have the living, loving faith God requires.
Latin
XXXV. Et certe qualiscunque tandem sit illa certitudo, & quocunque nomine in Christianis Scholis appelletur, in eo conveniunt omnes omnino Theologi illam non oriri solum ex divina promissione, sed etiam ex interno sensu propriae fidei & resipiscentiae, sine quo nemo recte concludere & statuere potest justitiam, vitam & salutem Verbo Dei promissam ad se pertinere, & se ejus esse, vel fore participem. Nam ut hoc aliquis legitime concludat, non sufficit ut assentiatur generalibus illis Scripturae pronunciatis, Quicunque credit in Christum remissionem habebit peccatorum in nomine ejus, Qui credit in Filium non veniet in judicium, sive damnationem, sed transivit a morte ad vitam; Sed necesse est ut vere subsumat, Atqui ego credo, id est, in me sentio & experior fidem illam quam Deus exigit, scilicet fidem vivam, quae operatur per dilectionem, & quae nunquam est sine studio bonorum operum, & serio vitae in melius mutandae proposito.