Unremitted offense would exclude forever; pardon is pure liberality

XIII. Praeterea, inquit, quaelibet offensa Dei nisi remitteretur, repelleret a gloria Dei perpetuo, & absque termino puniretur. Alioqui maneret dedecus culpae sine decore justitiae. Quod autem offensa dimittitur, aut remittitur, est ex pura liberalitate Dei remittentis, & non amplius imputantis. Denique non minus est fugibilis offensa Dei, quam sit eligibile illud bonum, pro quo adipiscendo nullo modo deberet committi. Sed pro infinito bono non debet fieri offensa Dei. Et si quis infinita bona possideret, posset juste omnibus a Deo spoliari, si caderet in offensam Dei.