Polish Thorn declaration: sins against conscience forfeit justifying grace for a time
At Thorn the Poles deny once-justified antinomian security: a relapse that wounds the conscience forfeits justifying grace and the Spirit for that time.hat time.hat time.
Infirmity-slips differ; without special exciting grace unto late repentance such falls leave the sinner damnable in deed.
Latin
XX. Poloni vero Theologi in declaratione suae sententiae, in colloquio Thoruniensi oblata, expresse docent renatos, quoties in peccata contra conscientiam recidunt, in iisque aliquandiu perseverant, nec gratiam justificantem, nec Spiritum Sanctum, pro illo tempore retinere; sed novum irae ac mortis aeternae reatum incurrere: cum res secus se habeat, quando non peccant contra conscientiam, sed ex infirmitate & inadvertentia. Etenim haec sunt eorum verba, Falso accusamur quasi statuamus semel justificatos Dei gratiam, ejusve certitudinem, & ipsum Spiritum Sanctum non posse amittere, quamvis in peccatis pro lubitu volutentur. Cum contra potius doceamus ipsos etiam renatos, quoties in peccata contra conscientiam recidunt, in iisque aliquandiu perseverant, nec fidem veram, nec Dei gratiam justificantem, nedum ejus certitudinem, aut Spiritum Sanctum pro tempore illo retinere; sed novum irae ac mortis aeternae reatum incurrere: ac propterea, nisi speciali Dei gratia excitante (quod in electis fieri non dubitamus) ad resipiscentiam serum renoventur, reipsa etiam damnandos esse. Titulo de Gratia, sect. 2. num. 11.