Vasquez: images may—and must—be adored only with the exemplar, never alone
Vasquez goes further: images can and must be adored only with the exemplar—never alone even in thought.
Apart from the joined exemplar the image is not capable of veneration; together they make the integral proximate terminus.
Latin
LI. Vasquez vero non tantum existimat imaginem uno eodemque actu cum exemplari adorari posse, sed imagines non nisi cum exemplari adorari posse & debere contendit. Perutilis, inquit, & antiqua Theologorum sententia, quam ego veram existimo, est motum adorationis in imaginem, ita in ejus prototypum & exemplar transire, & utrumque sub eandem venerationem cadere, ut nec sola cogitatione, imago per se sine illo, vel ab eo separata adorari possit: Et postea docet, non solum imaginem cum exemplari eodem motu adorationis posse adorari, verum etiam ipsam per se, nisi exemplar contineat, & cum eo conjungatur, non esse alicujus venerationis, & adorationis capacem, ac proinde non nisi cum exemplari, cum quo integrum proximum terminum adorationis constituit, esse colendam. Disputationis centesimae octavae, jam supra allegatae capite tertio.