Fourth composition: nature and subsistence in creatures
Click or tap any sentence to jump there. The side buttons skip a paragraph.
Fourth composition: nature vs subsistence (person/suppositum).
Peter ≠ his humanity; Gabriel ≠ angelic nature.
Concrete and abstract names split in creatures.
Latin
XIX. Nec etiam ipsi competit quarta compositio, quae a nobis commemorata est, ex natura, nempe, & subsistentia, sive eo quod personam & suppositum constituit. Haec duo quidem in rebus creatis distingui docuimus. Quippe in eis aliud est natura & essentia, & aliud quod naturam habet. Sicut aliud est Petrus, & aliud humanitas quae est in Petro. Et hoc quoniam praeter humanitatem, in Petro est aliquid quod personam Petri constituit, videlicet, subsistentia, quae (ut supra probatum est) a natura realiter differt. Atque etiam in Petro est differentia quaedam singularis, quae naturam humanam in Petro, ad Petrum contrahit & restringit ad ipsum, quod alioqui pluribus commune est. Ideoque in rebus creatis nominibus concretis & abstractis non idem omnino significatur: Nec unum dici de alio potest. Nam Petrus non est sua humanitas. Nec humanitas Petri est Petrus ipse. Ut nec Gabriel est ipsa natura Angelica, nec natura est ipse Gabriel.