All grant will-fruits; Amyraut denies will-command needed for assent
Reformed agree faith's fruits touch the will; they quarrel whether assent is will-commanded.
Amyraut: faith follows Spirit-disposed intellect like sensation follows a fit organ — no will-imperium needed.
Latin
VII. Caeterum fidem salvificam ad voluntatem pertinere ratione multorum actuum & fructuum fidei annexorum, & eam concomitantium, nemo est inter Doctores Reformatos qui dubitet. An autem assensus ille quem Verbo Dei praebemus, ratione originis ad voluntatem pertineat, & censeri debeat a voluntate imperatus, inter eos omnes non habetur pro comperto. Saltem Moses Amyraldus istud non videtur fuisse concessurus. Nam Thesibus de Causa Fidei docet fidem necessario oriri & produci ex appulsu objecti, id est, doctrinae Evangelicae, ad intellectum rite affectum atque dispositum per immediatam Spiritus Sancti operationem: quemadmodum sensatio necessario sequitur ad praesentiam objecti sensibilis, si sensus organum naturae convenienter se habeat. Unde sequitur ad fidei actum a mente eliciendum nullum voluntatis imperium requiri.