Orthodox: faith does not justify as a meritorious work—mode still disputed

VIII. Ad ista respiciant Doctores Orthodoxi, dum negant fidem nos justificare ut opus. Nec enim per hoc aliud significatum intendunt, quam quod fides non sit justificationis causa, ut loquuntur Scholae, formalis, vel meritoria, id est, ut jam diximus, justitiae illius, qua coram districto Dei judicio stare possimus, pars, vel meritum, seu pretium quo illa acquiratur, atque obtineatur. Sed, quamvis de his consentiant Theologi Reformati, non convenit tamen inter illos, qua ratione fides justificare dicatur.