Annotatio IV §.XXIV: rebuttal (2)–(3) — Trelcatius true text; REAL not CORPORAL; sacramental-spiritual mode vs local/gross
Rebuttal (2): the alleged Trelcatius line ‘neither local nor illocal on earth’ is not there — Trelcatius says the body is circumscribed in heaven yet present in the Supper sacramentally / spiritually (pp. 185–186).
Rebuttal (3): all that talk targets only corporal/local/gross presence in, with, and under the bread. Trelcatius: the presence is REAL, not CORPORAL (Ambrose: Christ is touched by faith, not by the body); the mode is SACRAMENTAL and SPIRITUAL, not transubstantiation, impanation, or local inclusion — and those authors would subscribe every real spiritual supernatural celestial presence and exhibition.
Latin
Etiam (2) Non omnia in Autoribus leguntur quæ in iis exstare innuit Vir Clarissimus, exempli gratiâ, in Trelcatio: Nec locali, nec illocali modo corpus Christi in terra præsens esse, haud exstat, quandoquidem Trelcatii verba ita sonant; Cùm enim Christi corpus, nostro homoousion, in Cœlo, ubicunque vult, circumscriptivè sit, (puta ex natura corporis, quòd in loco, i.e. alio corpore, non potest aliter, quam circumscriptive adesse) non per modum invisibilem, incircumscriptum, (puta vel absolutè & simpliciter talem, seu infinitum (qui solius Dei est) vel indefinitum, (seu definitivum, Angelis à Scholasticis essentialem habitum) qui modi omnes & singuli veritatem corporis evertunt (utpote vel DEO, vel Angelis proprii & essentiales adæquatè) omnino Christum corporaliter in Cœlo, Corpore tamen in Cœna, modo sacramentali, i. e. spirituali, adesse fatendum est. pag. m. 185. 186.; Etiam (3) quicquid vel de intentionali, vel effectiva Corporis Christi in Cœna præsentia Auctorum nonnulli; vel alii de distantia Corporis Christi à Cœna, haud minori, quàm quæ Cœlum inter & terram obtinet; vel pars de ipsâ absentiâ Corporis Christi à Cœna; vel denique Trelcatius, de tàm affirmato circumscriptivo in cœlis Corporis Christi præsentiæ modo, quam negato incircumscriptivo in terris adessendi ejusdem modo, tradunt, id omne soli corporali, locali, crassóque Corporis Christi, vel in, vel cum, vel sub pane Eucharistiæ adessendi modo oppositum cupiunt: Nam, inquit Trelcatius; Cordibus eorum re verâ præsens Christus est, iis, qui credunt, eâdem omnino præsentiâ qualis & Communio Corporis sui ipsis exhibetur in Cœna. Atque hæc præsentia REALIS est, neutra tamen præsentia CORPORALIS. Nam fide, ut ait Ambrosius, tangitur Christus, non Corpore. Edit. Leidens. pag 184. in medio. Et paucis intersertis: Modus, ait, præsentiæ Corporis Christi in Cœna non CORPORALIS, NATURALIS AUT LOCALIS, sive per conversionem totius substantiæ panis & vini, in Corpus & Sanguinem Domini; sive per IMPANATIONEM aut INCLUSIONEM LOCALEM; sive denique per INEXISTENTIAM aut indistántiam, puta Corporalem & Localem: Sed SACRAMENTALIS & SPIRITUALIS est, quam efficit Dei voluntas & Auctoritas, verbis institutionis declarata: pag. 185. init. cæteroquin omni Reali, Spirituali, Supernaturali Cœlestique Corporis Christi veri & substantialis, tam Præsentiæ, quàm Exhibitioni, toto animo subscripturi Auctores dicti.