Annotatio V §.IV §.6: millennium heresy; baptism vs Supper necessity grades; analogy-of-faith charge abandoned
Strimesius already acknowledged (p. 80) that heresy exists in a broad sense regarding the Eucharist. The millennium (Rev. 20) also fails the faith-foundation test, nberg still wrings heresies from it. Denying Supper-fundamentality while allowing broad heresy matches his Neostadian companions.
Heb. 6:2 on baptism-as-foundation cuts The Author’s own vineyard: baptism’s necessity is treated as absolute, the Eucharist’s only as ordained (contempt is condemned, not mere deprivation).k).k). The analogy-of-faith charge collapses back into the Anti-Irenicum’s old proofs —
Latin
At verò largitus tamen ipsemet sum pag. 80. in Articulo de Cœna: hæresin, latiori scil. sensu, concipi posse; id v. fieri posse num credibile est, quærit A. siquidem iste Articulus ad fundamentum fidei nullatenus pertinet. Resp. Ad fundamentum fidei nullatenus pertinere doctrinam de Regno Millenario Apocalyptico Cap. 20. Obtinueritne jam tum, an verò adhuc exspectandum sit? ipsemet Autor concesserit; intereà quot non numerô hæreses ex exspectato adhuc, eliciunt hodieque Domini Wittebergenses? Atque vel ex hoc ipsô intelliget quoque Vir Clariss. quomodo negando Fundamentalitatem Articuli de Cœna, largiendo interim, hæresin latè sic dictam circa eundem articulum committi posse, FIDEI MEÆ SOCIIS, in specie Neostadiensibus, contradixerim minùs, quin, Articulum de S. Cœna, ad fundamentum fidei haudquaquam referentibus, quædam interim de S. Cœna disputata fundamentum fidei attingere posse hæresímque incurrere fassis, ex asse adstipulatus fuerim, præsertim cùm iisdem propemodum verbis, (quibus illi Certamina de S. Cœna, non meras logomachias deque lana caprina contentiones esse perhibent,) idem asseruerim. Quando verò tertió locô, SCRIPTURÆ quoque S. me contradicere ex eo annititur probare, quòd Scriptura ten didachen baptísmon, vel, doctrinam de Baptismate, ad themelion, seu fundamentum referat. Hebr. 6, 2. S. Cœna v. perinde atque Baptismus Sacramentum sit; næ ille multò evidentiùs quàm volet, propria vineta cædit, S. Cœnam quidem perinde atque Baptismum, pro Sacramentis habentia, Necessitatem verò horum ad salutem multis gradibus discriminatam, agnoscentia, ita scil. ut Baptismi necessitatem absolutam statuant, indeque de non baptizatorum, utut Christianorum, Infantum salute, ægrè persuadeantur, saltem de eadem plurimùm hæsitent, S. Cœnæ etiam necessitatem, non nisi ordinatam admittant, cujus non privatio, sed solus contemptus, damnat. Quartò, dum A. contradictionem à me, ut ipsi videtur, adversus totam fidei Analogiam, designatam, ad eam Contradictionem postliminio coërcet, quæ cum solâ S. Cœnæ Natura & Indole, pugnat, nova nullâ hujus Contradictionis probatione adjectâ, præter eas, quibus in Anti-Irenico suo Tractatu, pro Fundamentalitate Articuli de S. Cœna decertaverat, vadimonium deficit & magno promisso cadit hiatu.